Stats2

']); _gaq.push(['_trackPageview']); (function() { var ga = document.createElement('script'); ga.type = 'text/javascript'; ga.async = true; ga.src = ('https:' == document.location.protocol ? 'https://ssl' : 'http://www') + '.google-analytics.com/ga.js'; var s = document.getElementsByTagName('script')[0]; s.parentNode.insertBefore(ga, s); })();

Kion   la   Ĵurnalistoj   diris ?

Image description

Alloge facil-pieda

La festo honore al la unua kvaron-jarcento de [la salon-orkestro] Belle Epoque ja komenciĝis laŭ tre bonorda maniero. Plaĉe distraj sonoj emanis hieraŭ posttagmeze tra la salonego Reggehof en Goor [Nederlando] ... La humura ĥaoso komenciĝis je la alveno de eks-sopranulino Miss Emily Barlaston, Ordeno de la Brita Imperio. Vestita en armea uniformo (kune kun subjupo, ornamita per la Brita flago) ŝi emfazis la naivecon de la Usona prezidento kaj de la Brita reĝino, samtempe glutante necesajn glasojn da ŝereo. Kun intense orelfrapaj tonoj ŝi prezentis la kanton Roses of Picardy.

 

Post la intervalo, la programo ja estis sub la dominado de ĉi tiu kantanta old-fraŭlino. Belle Epoque klopodis seriozigi la aferon kun The Phantom Brigade kaj miksaĵo el Berlino ... sed Emily stumblis tra ĉio en muzikaj botoj de sep-mejlaj paŝoj.

 

Vestita en alia kompleto ŝi uzis la ŝancon, dum la longa enkonduko al Chanson de l’adieu, por indulgi sin per plia glaso da ŝereo kaj ankaŭ taso da teo ... en ankoraŭ alia kostumo ŝi liveris la finalon: Tea for Two. Ŝi ne nur kunkantigis la publikon, danke al teksto projekciita sur grandan ekranon, sed ankaŭ regalis la homojn per suĉbombonoj kaj skatoletoj da teo, kiujn ŝi bategis ĝis la balkono helpe de volano-rakedo.

 

Tegaĵo el naztuketoj kaj dekoj da pecoj de falinta te-kruĉo kompletigis la ruinegon ĉirkaŭ ĉi tiu muzika kaj humura primadono.

Koen Edeling, Dagblad Tubantia